الاثنين، 9 يوليو، 2012

العادات


العادات
في حاجات اتعودنا طول عمرنا انها بتتعمل بطريقه معينه او طلعنا للدنيا لقيناها كده زي مثلا فيروز بتتسمع الصبح
وام كلثوم بتتسمع بالليل او فالسفر وان ابتهالات النقشبندي قبل الفجر والشيخ عبدالباسط بعد الفجر
ان الشاي بعد الاكل عشان يحبس والفاكهه برده ان في رمضان لازم يبقى في خشاف وقطايف
وان السحور يبقى فول او بيض وزبادي وان الواحد لما تجيله ""زغطه"" يشرب مياه وهو رافع راسه
كباية الشاي بلبن الصبح وفنجان القهوه برده الصبح والفطار فول وطعميه
ان الشبشب المقلوب حرام ولازم تعدله حاجات كتير جدا كتير منا بيتأقلم معاها وبيتعايش معاها زي ماهيه
حد جرب مره يغيره او يفكر فيه او يشوف عكسه ايه ويعمله
انا قررت اغير الواقع واتمرد ع العادات دي واجرب اشوفها واطبقها بشكل مختلف
مش لمجرد خالف تعرف ولكن لاني بحب التغير

هناك تعليقان (2):

  1. خلاص اسمع فيروز الصبح و بليل لاني بحبها اكتر الصراحة :)
    حلوة اوي يا شريف :)

    ردحذف
  2. وبس التغيير
    لكن لان فى كمان حاجات مش منطقيه انها تبقى مـُسلم بيها كده
    حبيت فكرتك :)

    ردحذف