الأربعاء، 4 يوليو، 2012

انا واعوذ بالله من كلمة انا


عرف نفسك ؟

شريف ممدوح  كلية اداره اعمال 21 سنه

ما أكثر ما يميز شخصيتك ؟

مش عارف بس اغلب صحابي بيقولوا لي انت بتفكر كتير

وكئيب برده ده كل اللى يشوفني يقولي كده

بحب الهدوء وبطبعي هادي
مبحبش النفاق والكذب وصريح جدا 
وده كتير بيسبب لي مشاكل 

ما هى اهم نقطة تحول فى حياتك ؟

ممم يعني ممكن نقول صدمه في ناس بعزهم واني اكتشفت ان الانسان لازم يلاقي اللى يميزه
وان في ناس بنرفعهم فوق قدرهم فبينزلونا تحت قدرنا زي ماسيدنا علي رضي الله عنه قال

كيف دخلت الى عالم التدوين ؟

عن طريق مساعدة واحد صحبي

ما اسم مدونتك ولماذا اخترته ؟

عكس السير اخترته عشان لقيته يعبر عن نوع من انواع التميز والاختلاف

صف مدونتك ؟

نافذه للتعبير عن رأيي وصديق بفضفضله  

من هم أكثر ثلاث شخصيات أثروا بك من داخل عالم التدوين ؟ ومن خارجه ؟

من داخل عالم التدوين

للعد لا للحصر

  الدكتوره شيرين سامي_حدودته مصريه_

منه سيد_فراوله_

نورهان محمود_عبث_

من خارج عالم التدوين

الدكتور مصطفى محمود الله يرحمه

الدكتور ابراهيم الفقي الله يرحمه

الشيخ محمد الغزالي الله يرحمه
عبد الوهاب مطاوع الله يرحمه
مصطفى حسني 
عمرو خالد

ما هى طقوسك الخاصة عند الكتابة ؟

غير مؤمن بفكرت الطقوس لما الالهام بيجي بدور ع اي حاجه اكتب عليها وبس

ما هو الاسلوب المفضل لديك فى التدوين ؟

الفصحى من نحية الاسلوب اللغوي

من نحية النوع المقال والخاطره

فى رأيك ما أهم ما يميز تدويناتك ؟

مقدرش احكم على حاجه زي دي انتوا اللى تحكموا

بس بحاول ع قد مااقدر اعبر فيها عن رأيي وافيد الناس واعمل اللى بحبه

ما هو تقيمك لعالم التدوين فى الفترة الاخيرة ؟

ممم يعني في ابداعات بس مش كتير

اختر اقرب تدويناتك الى نفسك وضع رابطها وحدثنا عنها ؟


لان اوقات الواحد بيحس بفقدان الامل والاحباط وبيكفر بحلمه وبيقل ايمانه بنفسه وقدراته

والماضي عند كل خطوه جديده في الحياه بيجي يخبط على كتافنا يفكرنا بنفسه ويورينا فشلنا

استعرض اهم المواقف الغريبة او الطريفة التى صادفتك مع التدوين ؟

فيوم حطيت قالب او استايل جديد للمدونه وبعدين قعدت يوم اعمل في المربع بتاع كومنتات الفيس

واخيرا خلصت والكومنتات شغاله زي الفل بصيت للاستايل قلت اما اغيره مش عجبني

وغيرته وجيت بدور ع المربع بتاع الكومنتات ملقتوش كنت هتشل

هل أحدث التدوين تأثيرا عليك ؟ وكيف ؟

تأثير جامد جدا  ازاي بااني لااول مره اؤمن بمواهبتي وانه مش لازم اكون بكتب عشان اكل عيش باللى بكتبه

وطور من اسلوبي والافكار اللى بستقي منها اللى هكتبه  

بس كلنا كابشر بنحب ان حد يشوف اللى بنكتبه ويشجعنا ويرفع معنوياتنا

اختر اى مدون ووجه له سؤال ؟

محمد السيد "انسان في عتمت نور"

هل شايف ان اسلوبي اطور وايه هي نصحتك ليا عشان اطور اسلوبي

هناك 12 تعليقًا:

  1. انك تكون مؤمن بموهبتك هو اول الطريق
    انك تطور نفسك وتبقى افضل وافضل
    حسيت فى طموح و ارادة فى كلامك
    ربنا يوفقك وتوصل للى بتتمناه يارب

    ردحذف
  2. ربنا يخليكي ياايه ان شاء الله مكمل بااذن الله ثم مجهود ثم توجهكم ونصحكم كلكم

    ردحذف
  3. شريف إنت طلعت صغير بجد :)

    بس ما شاء الله عليك تدويناتك بتقول غير كده
    سعيده إنك ذكرتني و لو إني غلبان جداً و الله :)
    و سعيده أكتر إني حاسه بحماسك و إنطلاقك في الكتابه
    متديش حد أو حاجه فرصة تحبطك..كلنا بنحتاج تشجيع دائماً.

    ربنا يوفقك و تحقق كل ما تتمناه

    تحياتي لك

    ردحذف
  4. بالتوفيق دايما يا شريف

    ردحذف
  5. من الجيد التعرف على المدونيين عن قرب

    استمتعت بمروري من هنا ..

    تقبل خالص احترامي.

    ردحذف
  6. سعيد جدا بالتعرف عليك اكتر يا شريف..و سعيد بصراحتك،و المشاكل التي تأتي من الصراحة عادة تأتي من أشخاص لا يستحقوا فلو انهم يستحقوا و موضوعيين و لديهم عقل ما سببوا مشاكل و لأحترموا صراحتك..على الأقل دي وجهة نظري !
    طبعا بحب طموحك و بحثك عن التعلم للوصل للأفضل..بالتوفيق دوما..و كل السعادة و النجاح الدائمين..تحياتي

    ردحذف
  7. ربنا يخليكي يادكتوره شيرين انتى استاذه بالنسبالنا كلنا وانا اسعد اني واحد من اسره المسابقه والتدوين بشكل عام وفكرت تدوينة التعارف دي قربتنا اكتر وعرفتنا ببعض اكتر

    تقبلي جزيل شكري واحترامي

    ردحذف
  8. اشكرك ياضياء مرورك اسعدني

    ردحذف
  9. اشكرك ياوجع البنفسج مرورك اسعدني

    ردحذف
  10. احمد حبيبي شكرا ياريس على مرورك وكلامك كله صح ولكن هي دي الحياه لازم الواحد يتعلم

    ردحذف
  11. اخويا الصغير اللي انا مغلباه معايا من يوم ما عرفته :)
    مبسوطة اني عرفت عنك اكتر
    و ميرسي انك ذكرتني
    انا اقل بكتير من ان يكون ليا تاثير على انسان موهوب زيك
    من اجمل الحاجات اللي حصلتلي اني اتعرفت عليك و يا رب يديم المعروف بينا :)

    ردحذف
  12. ربنا يخليكي يامنه والقلوب عند بعضها لا ازاي طبعا متأثرش باانسانه موهوبه زيك وانا كمان شرفني واسعدني جدا اني يكون ليا اختك زيك

    ردحذف