الاثنين، 2 يوليو 2012

المـطـبـخ


المطبخ

ظلم طبعا تظن بنات حواء ان الراجل مبيعرفش يطبخ او انه يخش المطبخ من اساسه ويبقى كويس اوي لو عرف يعمل طبق مكرونه

او ان قله هما اللى لهم في المطبخ ودول بيقوا مرزقين بيطلعوا في التلفزيون او يشتغلوا فااكبر المطاعم

بس انا على عكس كده بحب المطبخ وبحس ان الطبخ ده مهمه مقدسه بس بيحكمني في الموضوع ده بالذات المزاج وحبي للي هطبخه

وبحب جدا اجرب واستكشف واحط حاجات ملهاش دعوه ببعض على بعض وعندي استعداد اتقبل الهزيمه زي ان اللى واقف ساعه اعمل

فيه يتحرق او يطلع مالح او العكس وباكله ورجلي فوق رقبتي بس كفايه اني انا اللى عمله حتى لو ميتكلش بقول عليه حلو

 ماهو لازم اكابر وانا من نوع اللى مش بيستسلم بسهوله يعني مهما احرق وابهدل الدنيا برده برجع ادخل المطبخ عادي جدا

وممكن ناس كتير تشوف فيا زوج لقطه محصلش قبل كده بس اقولهم اني اللى هتجوزني هي اللى هطبخ يااما هتقضبيها من بره

بس بعيدا عن كل ده انا بعرف اعمل زر واقلي وممكن اعمل صنية بطاطس بحكم اني بحبها والحلويات بقى انا بحب اكلها بس

يعني مبعرفش اعمل كيك ولا الحاجات دي وانا من الناس اللى ضد القاعده اللى بتقول ""اقصر طريق لقلب الراجل معدته""

وان الرجاله دائما همهم على بطنهم ده غير صحيح بس احنا الرجاله غلابه الواحد منا  مش بيعرف يطبخ ويلاقي حد يعمله اكله حلوه ده بيثير مشاعره

وبيفرحه وبيحسسه ان في حد مهتم بيه واوعى حد يتفكر اني بقى قاعد طول اليوم احف وادلق بالعكس خالص على فكره

انا راجل رياضي ومهتم جدا بوزني وبعد الرغي ده كله مفيش بنت حلال تقوم تعملي كباية شاي :D

هناك 6 تعليقات:

  1. ههههههههههههههههه

    جميل البوست تعرف كنت لسه بفكر في بوست أسميه كده (المطبخ) بس أكيد مطبخي مختلف :)

    رائع و تلقائي جداً البوست

    تحياتي الخالصه

    ردحذف
  2. اشكرك يادكتوره شيرين واكيد مطبخك مختلف احنا ربنا يكون فعونا :(

    ردحذف
  3. و الله جميل جدل البوست ده يا شريف،..
    أولا انا طباخ ماهر بحكم عملي في الصحراء،أطبخ في وقت قليل جدا،و أحيانا كنت أطبخ لما يزيد عن عشرةرجال ،و أجيد الأكلات السريعة التي أصنعها من أشياء قد لا يتوقعها أحد و في دقائق معدودة ولكن طعمها يأتي خطير ، لي اسلوبي الخاص في بعض الأكلات الشهيرة،و أستطيع صنع أكلة من لا شئ،،في مرة لقيت البطاطس قليلة فقلت بدل ما الرجالة ياكلوني طبخت معاها خيار..أيوة خيار !!..و بعد هاأكلوا قالوا الكوسة اللي مع الخيار دي لذيذة،جبتها منين؟ ...هههههههه !!
    ..
    مساء الفل..تحياتي

    ردحذف
  4. هههههههههه بالهنا والشفا ياريس وان شاء الله ابقى اكتبلنا الحاجات اللى بتعملها

    ردحذف
  5. هههههههههه لو على كباية الشاي ماشي نعملها :D

    بس والله كويس ان لسة فى بيدخلوا المطبخ كده :P
    اكتب عالفيس كده وانت تلاقي اللى جاين يطلبوك من بابا جرييييييي هههههههه

    ردحذف
  6. ههههههههههه :D للدرجه دي دي ازمه على كده الحمدلله انا بعرف اطبخ

    ردحذف