الأحد، 24 يونيو، 2012

مبروك لمصر



انا سعيد اني شفت يوم زي ده ممكن اكون غايب عن الميدان بس حاضر بقلبي وروحي معاهم دمعت وفرحت
كفايه اكون عايش وواعي فتاريخ زي ده كفايه ان بعد تلاتين سنه او اكتر او اقل احكي لولادي عن ثورتنا
صحيح النهرده انا مكتبتش بالفصحى لان احساسي هو اللى بيكتب المره دي مش عقلي ومفيش فيه تزويق وتجميل
احمد بسيوني عماد عفت سالي زهران محمد محروس عارف انكوا سامعنا وشايفنا دلوقتي عارف انكوا دلوقتي ارتحتوا دمكوا  
مرحش هدر ياولاد بلدي فاكركوا وبقرأ لكم الفاتحه دلوقتي  احمد حراره انت وكل اللى زيك عينيكو مرحتش على الفاضي صحيح اطفى ضيء عينيكوا بس نورتوا مستقبلنا 
 يااجمل وارجل واجع واشرف بنات في الدنيا ياللي علمتوا العالم كله يعني ايه بنت مصريه
حقكوا مش هيروح  
مش لازم اكتب الكلام عشان انا مؤيد لمرسي او لغيره انا بكتب الكلام ده بااسم اني مصري بحب بلدي
النهرده بس مصر قلعه البدله العسكريه الميته الملعونه وقلعت الخوذه اللى فضلت حجبه النور طول ستين سنه
النهرده بس مفيش فرمانات واوامر عسكريه مفيش نفذ بعدين اعترض مفيش حد احسن من حد
مفيش غربه وعذاب عشان لقمة العيش اللى عشتها طول عمري مفيش قسوه وويل بره وجوه
انا عمري ماكنت بتاع سياسه او ثورجي بس الغربه كبرتني فوق عمري عشرين سنه
 انا بس بحب بلدي ونفسي ارجع اترمي فحضنها
المشوار لسه طويل دي بس اول خطوه "وحياتك لفضل اغير فيكي لحد ماترضى عليه"

هناك 3 تعليقات:

  1. تحياااا مصر .. يااارب يكون بكرة احسن واحلى ان شاء الله بس المجلس العسكري يبطل ظلم وافترا

    ردحذف
  2. العسكر لازم يمشى ...........
    الله ينتقم منهم ...... وتحيا مصر حرة بعيده عن العسكر
    تسلم ايديك
    مبروك مبروك مبروك عليكم وعلينا ....
    مبروك لكل الصريين ......
    ولكن نأمل من الله كل الخير للثورة والثوار ......
    وياااااااااااريت تبدأ بتطهير القضاء والاعلام والامن .....

    ردحذف
  3. ياااه يا شريف كلماتك من القلب فعلاً
    و ده اللي جوه أي حد بيحب البلد دي بجد
    بصرف النظر عن أي توجهات
    الحمد لله
    خلصنا من عهود الإستبداد
    يا رب القادم يكون أجمل

    تحياتي ليك

    ردحذف