الأحد، 3 يونيو، 2012

مـش جـواز سـفـر


مش جـواز سفر 
مش هقول حضاره 7 الف سنه ولا هقول اهرام وخير اجناد الارض ولا نيل لان كل ده كلام على ورق الايام افقدته جماله وزهوه واحساسه مصر البوم صور محبوس فقلبي مصر ابتهالات النقشبندي قبل صلاة الفجر ومحل القصب اللى تحت بيتي وهو مشغل عبدالباسط بعد ادان الفجر مصر ايد عليها صليب ماسكه لي جرنان يحميني من الشمس فطبور عيش دكانة جدي وسبت بيتي ومشابك خشب بتاعت جدتي لعب الكوره فالشارع وعم سمسم اللى فارش السجاده يصلي المغرب جوه البقاله وسيبها مفتوحه مصر حرقت دمي ع كرمتها وهي جايه على كرامتي  والغربه جواها اهون من الغربه برها مصر بكايا عليها وهي طرداني وحمقتي وغيرتي عليها وهي ظلماني مصر شوقي ليها وهي مفهاش حاجه تشوقاني مش عنوان في بطاقه ولا جواز سفر ولا لهجه ولغه ولا شكل ومظهر مصر روح اللى عايشها وهي مش عايشاني

ليست هناك تعليقات:

إرسال تعليق