السبت، 9 يونيو، 2012

احـنـا اللى اموات


احنا اللى اموات
بتتفرج على التلفزيون زهقان و بتقلب في القنوات
وتقلب لما تشوف نشره بتقولك ان بنات سوريا مغتصبات
وانتى تقفي عند مسلسل تركي ويشدك مشهد بتبكي فيه العاهرات
 تقلب على برنامج كل مترقب النتيجه وبيصوتوا بالمليارات
الجوع والقهر والدم تشوف بس زيف وتمثيل في المسلسلات
ساعه كمان تمل وتقوم تشوف الفيس وتشيك على الايميلات
اتأثرت شويه لما شفت الاخبارغصب عنك بين الاعلانات
زعلانه على فنانه شتموها وعذرك اصل ده ضد الحريات
رئيس كتر خيره يندد معلش عمرنا ماخدنا منكوا غير شعارات
كفايه بكى معدش وقت حبة تأثر وتأسي و كلام افلام واسطوانات
سوريا كم الف مات ولا احنا اللى ضمير فينا غاب واصبحنا اموات
الحريه للشعب السوري

هناك تعليقان (2):

  1. ربنا بيمهل ولا يهمل سايبه يوصل لقمة جبروتة عشان يبقى عقابه ملهوش مثيل

    القذافى كانت نهايته سودا تخيل بقى بشار هتبقى نهايته ايه

    لك الله ياسوريا وكفى بالله وكيلا

    ردحذف
  2. قادر على كل شيء ربنا ينصر الجيش الحر ويجعل بشار ومن معه عبره لمن يعتبر شكرا يادعاء ع ردك

    ردحذف